Los coalas



Pes : 7a12 kg
Talha : de 60 a 80 cm de naut
Abitatge : forèstes d'eucaliptuses dins l'èst d'Austràlia
Viu fins a l'entorn de 20 ans.
Noiridura : fuèlhas d'eucaliptús (fins a 1kg per jorn)
Signe particular : lo coala beu pas jamai d'aiga, la noiridura li apòrta l'aiga que li fa besonh.
Reproduccion : los coalas son de mamifèrs, an un pichon cada 12 a 18 meses. Los marsupials son de mamifèrs.

Los coalas son en via de desaparicion.

Los coalas : una espècia en dangièr.


Los coalas son de la familha dels marsupials d'Austràlia ; vivon dins la selva ont se noirisson amb las fuèlhas e la rusca de qualques arbres. De quora en quora manjan de frutas. Mas çò que lor agrada mai son las fuèlhas l'eucaliptús. Son pas nombroses los animals que las pòdon manjar. Eles pòdon.
Los coalas dormisson 20 oras per jorn e lo temps que lor demòra lo passan a manjar. Bevon pas brica. An l'aiga que lor cal amb las fuèlhas d'eucaliptús.


Perqué desapareisson?

Aqueles animals an pas gaire predators, mas son sovent malauts. Al sègle 19, los caçavan per lor forradura e an desaparegut de matunes cantons d'Austràlia. Los declarèron espècia protegida en 1937.

Ara, l'escalfament climatic amenaça los coalas. Son pas acostumats a las temperaturas tròp nautas. Aquò los desidrata e los fa estressar. La calor asseca tanben las fuèlhas d'eucaliptús que son lor principala sorsa d'aiga. Quand fa mai de 37 grases, pòt arribar de los veire tombar dels arbres. En mai l'escaloriment climatic poiriá demesir las zònas de forèst ont demòran los coalas. Serián obligats de migrar cap a de zònas urbanizadas ont las veituras e los gosses serián un dangièr mai per eles.

Populacion en baissa

Dins d'unas regions d'Austràlia, los scientifics pensan que la populacion de coalas a baissat de quicòm coma 80% aquestas 15 darrièras annadas. Ne demorariá pas que de 50.000 a 100.000. A l'ora
d'ara, d'unes Australians se baton per los far reconéisser coma espècia en via de desaparicion que lo coala e lo cangoró son los simbòls del país d'Austràlia.

Quand pesa lo coala? Pesa de 7 a 12 kg
Quina talha fa lo coala? De 60 a 80 cm de naut
Qué manja? Manja de fuèlhas d'eucaliptús.

Anna Guiroy e Cathline Toulis.

1 commentaire:

Sophie Vialade a dit…

Lo coala passa son temps a dormir e a manjar.

L'article es força descriptiu.


Mael e Matthieu,Calandreta castresa