Endurança

Cross de Pàmias
Aquesta annada sèm anats al "cross" de las escòlas de Pàmias. Lo matin èran los cm1-cm2, l'aprèp miègjorn èran los cp-ce1-ce2.  Fòrça escòlas de Pàmias an participat.
Avèm corrut per los que pòdon pas caminar (los mainatges amb malautiás raras). Totas las escòlas an agut un diplòma en mercejament del Teleton.
depart dels cm2
lo diplòma

La sortida amb los pairins e mairinas

Aquesta annada sèm anats als domeni dels ausèls a Maseras amb la classa per rescontrar nòstres pairins e mairinas.
Observèrem ausèls dins observatòris e  gaitèrem las cigonhas. E tanben gaitèrem maquinas vièlhas (remòrcas, tractors, semenadors...)
Parlèrem amb los pairins e mairinas, lor balhèrem pichons presents, Gisèla Lafarga nos entrevistèt per Radio Galaxia.
Foguèt un plan bon moment tròp cort !

La classa de cicle 3

Un novèl jornal de classa

La classa de CE2, CM1 e CM2 a decidit de publicar un jornal que rendrà compte de cada sortida que farà dins l'annada escolara. 
Primièra sortida : la cauna del Mas d'Asil ! Doncas, primièr numèro del jornal, que trobaretz en seguida. 
Una precision : la conversion per Calaméo daissa qualques "blancs" dins d'unes enquadrats. Es un mistèri de l'informatica. Ensajarai de trobar una autra solucion...

BONA LECTURA

Voici le premier journal de l'année de la classe de CE2-CM2. Vous remarquerez quelques cadres blancs : ce sont les mystères de l'informatique et du passage par Calaméo. J'essaierai de trouver une solution. En attendant, bonne lecture à tous...

Poèma de Lluís Llach

Aqueste còp, les escolans de la classa de CE-CM devon aprene un poèma qu'es una adaptacion en occitan d'una cançon del grand cantaire catalan Lluís Llach. Se ditz "País petit".
Ne trobaretz l'enregistrament en clicant aicí.

Bona fin de genièr ! A lèu en febrièr !

La poesia de l'ivèrn

Abans Nadal, aprenèm la debuta de la poesia d'Antonin Perbòsc "Lo reiet e l'ivèrn". Lo reiet es un auselon petiton, brun, que bolèga tot l'ivèrn dins las fuèlhas mòrtas e los bartasses.
Per aprene la poesia, la podètz escotar aicí.

Lo reiet e l’ivèrn

Un matin de granda torrada,
l’Ivernàs, vegent lo Reiet
canturlejar, tot galhardet,
al rai clar de la solelhada,
i demandèt amb despièch :
«Ont as dormit aquesta nuèch ?
Dins un bon trauc barrièr que sabi.
Plan parat, aquí m’arrucavi.
Òm pòt passar la nuèch plus mal ;
i ai dormit plan coma cal.»

La nuèch d’aprèp, a la cosina,
l’aiga torrèt dins lo cruguet.
Sul matin, aquí l’auselet
que canta sus una albespina.
L’Ivèrn i ditz amb despièch :
«Ont as dormit aquesta nuèch ?
E ! Dins l’estable, jos la coeta
de mon amiga la vaqueta.
Èri pas aquí brica mal ;
i ai dormit plan coma cal.»

Lo ser, la coeta de las vacas,
de tant que fasquèt freg, torrèt.
A l’alba, lo Reiet cantèt,
ni mai ni mens, dins las folhacas.
L’Ivèrn bufava de despièch.
«Ont as dormit aquesta nuèch ?
Dins la fornial, còsta la boca
del forn : ausèl qu’aquí s’ajoca,
lo freg risca pas d’i far mal ;
i ai dormit plan coma cal.»

    Antonin Perbosc

Sabètz çò qu'es la merluça ?

Es lo peis que se ditz cabilhaud quand es fresc e que se consèrva dempuèi centenats d'annadas secat e salat. La cal far dessalar qualques oras dins aiga freda abans de cosinejar e de far per exemple una brandada !

Doncas, dins sa poesia, Joan Claudi Sèrras nos fa partejar los sentiments de la paura merluça…
Es aicí per escotar.

La regenta de CE1-CM2

Poèma de J. Boubila : Ratapalma

Aicí, la polida poesia "Ratapalma", qu'es lo mot utilizat dins la region per ratapenada.

Bona escota.
Precision : d'escolans causiguèron una autra poesia que trobaretz dins una autra dintrada del blòg.

Poèma de Joan Loís Cortial : Diga-me perqué

Per melhor aprene o revisar la poesia, podètz escotar lo tèxt qu'enregistrèri aicí
Bon trabalh !

La regenta de CE1-CM2

Lèu la DINTRADA !!

Un petit rapèl per totes : nos retrobarem lo DIMARS 3 de SETEMBRE. 

Petit rappel : la rentrée est mardi 3 septembre

L'ora ? La classa comença a 9H00, doncas cal far coma quand volèm prene lo tren : cal arribar almens 5 minutas en avança ! 

N'oubliez pas l'heure : la classe commence à 9H00, il faut donc arriver au moins 5 minutes en avance, comme quand vous voulez prendre le train...

 Dos biaisses de començar la jornada : quin es mai agradiu, lo de dessús o lo de dejós ?

Des deux manières de commencer la journée, laquelle préférez-vous, celle de dessus ou celle de dessous ?

Bona setmana a totes, 
A DIMARS


Illustracions : dessenhs de "Marianne", tirats del DVD "Crayaction"